Jefffeysbaai

All the good about South Africans

 

BACK TO TOWNS

Contact Christo if you need a good professional website at affordable prices. You will receive the personal attention you deserve.

 

more info: 

christo1964@gmail.com

 

 

To advertise on this website

CLICK HERE

 

 

 

 

JEFFREYSBAAI DROOMNUUS, 19 November 2013

 

Gedurende die vakansie wil ons die geboue uitverf en funksioneel maak sodat ons met trots die saal vir gemeenskapsaktiwiteite kan gebruik. Maar ons het jou hulp nodig! more info

 

JEFFREYSBAAI DROOMNUUS, 4 November 2013

 

Droom 2013 snel nou na sy hoogtepunt op 16 Desember met die onthulling van die Brander Beeld en die Straatkarnaval. Soria het na ‘n suksesvolle voorlegging, amptelik en entoesiastiese goedkeuring by die Raad gekry. Dankie aan almal wat met welwillendheid en meelewing die Drome inisiatiewe ondersteun.  more info

 

Droom nuus 22 Oktober 2013

   

Waarheen met die Jeffreysbaai Dorp van Drome?

Ek het onlangs stimulerende en uiteenlopende gesprekke gehad  oor die rigting wat ons met die Droom moet inslaan. Die benadering wat ons grootliks volg is dat die Droom informeel bedryf word met minimum  struktuur. ’n Dromer identifiseer ’n projek en voer dit sonder veel trompetgeskal uit. So ’n Dromer is ook grootliks verantwoordelik om die bronne te bekom om die projek uit te voer met geen of minimum befondsing uit die Droom rekening....    more info

 

 

Droom Nuus 26 September 2013

 

Om verhoudings en onderlinge begrip tussen al Jeffreysbaai se inwoners te versterk, het Soria Swart Droom Toere begin.  Dit word elke tweede Vrydag gehou en beperk tot 10 deelnemers. Dit vertrek om 4nm vanaf die Victory4All skool, langs Ithemba in Tokyo Sexwale en sal teen 6nm klaar wees. Jou voertuig is veilig agter slot en grendel      more info

 

Droom vergadering van 26 September se verslag klik hier  

 

 

Droom Nuus: September 2013

Agter elkeen van die gesigte – en vele ander gesigte – is ‘n storie van ’n persoon met ‘n visie wat nie op leiding gewag het nie maar gesorg het dat sy Droom bewaarheid word.  more info

 

Jeffreys Bay Dream was futured in "The Eastern Cape Mirror", November 2012.    more info

 

 

 

 

Deline Swart, ons noem haar Generaaltjie, skryf:

“Ek het gaan kyk waar dit baie vuil is in die dorp, `n sak gevat en gaan papiere, bottels, vrot babadoeke ens optel. Daarna het ek een persoon gekry om my te gaan help. Ons het skoongemaak sover moontlik.

En jy kan nie glo wat se reaksie dit by die mense uitgelok het nie. Hulle kon dit nie glo nie....en dat ons dit nog sonder betaling doen met ons eie sakke en dit self wegry want op daai stadium wou die munisipaliteit nie help nie.

En so het nog `n persoon bygekom en nog een en nog een en toe het ons begin grassny en toe kon ons begin mooi maak en kyk wat doen ons nou al!"

Dit begin maar by een “vasbyt-persoon”!!! (net een!)

Hoe kan ek betrokke raak?

Die besef begin posvat dat ons iets daadwerkliks kan doen om ons Dorpie in haar eertydse glorie te herstel. ’n Klein groepie vroue en manne is besig om Jeffreysbaai reg te ruk: You ain’t seen nothing yet!

Die feit dat jy die e-pos kry beteken dat jy al klaar by die Droom of ’n ander gemeenskapsake betrokke is. As jy nog nie ’n aktiewe Dromer is nie en teen die tyd brand om aktief te word, put inspirasie uit die fotobeeld verder af en gaan na ons FaceBook blad (onthou om op Like of Hou van te klik!)

Onder aan die e-pos is ’n kontaklys van Droomleiers wat u met ope arms sal verwelkom.

Red ons paaie

Die meeste van Jeffreysbaai se paaie kan gered word deur die aanwending van ’n bitumen missproei. Dit sal water indringing keer en vir ons ’n paar jaar wen. Dit kan teen ’n fraksie van die koste gedoen word as wat die volgende goedkoopste alternatief naamlik ’n flodderseel, sal kos.

Oom Bertie Pretorius (82) voel so sterk oor die saak dat hy R2000 tot die padreddingsfonds bygedra het!

Maar daar is baie om voor dankbaar te wees: die gesindheid en werklus van ons Dromers!___________________________________________________________________

Ons mikpunt is om teen 4 Desember Jeffreysbaai Droom 2012 te voltooi. Dit sal net ’n raps langer as 21 weke wees sedert ons op 4 Julie 2012 begin het.

’n Half marathon is net ’n raps langer as 21 Km. Kom ons benader Jeffreysbaai Droom 2012 se 21 weke soos ’n half marathon. By elke wedren is daar die voorlopers, dié wat al aan baie wedrenne deelgeneem het. Ook hier is daar diegene wat al jare lank en meestal ongesiens, die Droom se ideaal uitleef.

Mense soos Alison, Carina, Deon, Dries, Hendrik, JP, Lizette, Renier, Soutie, Vernon en Wanda se ‘monumente’ staan reeds vir almal om te geniet. So is daar baie waarvan ons nog nie weet nie.

Soos klub kapteins hul klublede motiveer om hul beste te lewer, so motiveer ons Droomleiers hul mede Dromers om vas te byt en hul bes te lewer. Ook hier het Jeffreysbaai Droom 2012 voortreflike Droomleiers soos Deline, Denise, Ernie, Freddie, Garth, Hettie, Jean, Marinda, Minette, Rachie, Rudolph, Scotty, Tanja, Terry, Venice en Wim. Dan is daar die Dromers, al 130 van hulle, wat soos in ‘n wedren, sorg vir die kameraderie en uiteindelike sukses.

’n Wedren sonder borge is ondenkbaar. Ook hier is ons gelukkig met die ondersteuning van die AHI, Bakkie Fitment Centre, De Huizemark, Duraline Paints, Fountain Estates, Hancke, J/Baai SPAR, Kouga Munisipaliteit, Marina Martinique, RealNet en RSG. Soos in ’n wedren, het ons ook ‘n fotograaf, Marietha om ons vordering te boekstaaf en op http://www.facebook.com/JeffreysbaaiDroom te plaas. Stuur julle foto’s na mariethaf@telkomsa.net

Gaan na http://www.facebook.com/JeffreysbaaiDroom  of tik: Jeffreysbaai Droom in FaceBook se soekruimte. Klik op Like as jy hou waarvan jy sien.

Johan Ferreira is ons “marshall” wat moet sorg dat ons binne die reëls van die Raad bly. Indien julle ‘n Droom wil aanpak wat moontlik Munisipale goedkeuring nodig het, kontak Johan by
info@mmbnb.co.za

Sonder die nodige publisiteit sal die Droom of ’n wedren nie moontlik wees nie. Deon Goosen het die inisiatief geneem om die Droom na Jeffreysbaai te bring. Hy behartig die media skakeling en moet sorg dat almal wat leef en beef van die Droom weet. Lees sy persverklaring wat hierby aangeheg is. Kontak Deon by gjfgoosen@gmail.com of 084 444 0763

Laastens is daar Ernst, die koördineerder of tydhouer wat moet sorg dat die klok gelui word om aan te toon hoeveel tyd oor is – maar hom hoofsaaklik verlustig in die mooiheid wat hy om hom sien. Kontak hom by ernst@emwin.co.za of 082 787 6892.

Ons is nou amper by Week 5. Die endorfiene begin nou inskop ons is in ’n lekker ritme. Daar lê nog ‘n paar bulte voor maar 4 Desember is sommer gou-gou hier!

Groete, Die Jeffreysbaai Droomspan

Kreatiewe mense ... 

Wat my die afgelope twee weke opgeval het is hoeveel Dromers daar reeds in Jeffreysbaai gewoel en gewerskaf het lank voor Theuns Coetzee ons kom toespreek het. Hulle het nou wel nie as Dromers bekend gestaan nie maar in daad die Dromer filosofie uitgeleef: om ‘n verskil in ons omgewin te maak. Mense soos JP wat die gras in Da Gama gesny het, Dries wat die Noordelike ingang versorg het, Vernon wat die pad reserwe tussen Jeffreysbaai en Astonbaai versorg. (Sien fotos hierbo)

Wat ons hier vermag word wyd raak gesien en van gehoor! Jeffreysbaai Droom het baie aandag op RSG gekry in die onderhoud wat Amoré Bekker met Theuns Coetzee, die vader van die Droom gevoer het.

Droom Projekte pdf is ‘n lys van al die Drome wat reeds verwesentlik is, in proses of in die beplanningstadium is. klik hier

Begin jou eie Droom of kyk by watter van die bestaande Drome kan jy inskakel! Die lys van alle dromers. klik hier

Bestuurplan vir Fase1 van ons Droom. Fase 1 moet teen 4 Desember, 5 maande na ons stigting, afgehandel wees. klik hier

Alhoewel daar baie werk ingegaan het om die padkaart op te stel met insette van Theuns, is dit sekerlik nie foutloos nie. Laat weet gerus wat jy daarvan dink.

Uittreksels uit die e-posse wat ek van Dromers ontvang het. Leer jou mede-Dromers ken.  klik hier 

Denise Moyles het al die Dromers op Google Earth aangebring. Baie dankie, Denise. Indien jy Google Earth (gratis!) op jou rekenaar het, dubbel-klik op Dromers.kmz en die plekmerke van die Dromers sal op Google Earth verskyn.

Jy kan dan op een oogopslag sien waar jou mede Dromers bly en hulle by jou Droom betrek. As jy Google Earth toemaak, kan jy dit ‘save’

Besoek asseblief ons FaceBook en klik op Like  (klik op Facebook logo)

Jeffreysbaai Droom groete. Ernst.

Jeffreysbaai Droom – Nuusbrief

Woensdag het Theuns die Droom aan ons bekend gestel. Saterdag het ons ons eerste Droom projek – die verfraaiing van die parkeerarea by die Hoofstrand – aangepak en afgehandel! Dit wil gedoen wees! Dankie aan Deon Goosen wat die inisiatief aan die dag gelê het om Theuns te nooi en aan die Dromers wat Saterdag ’n sukses gemaak het.

Die besef begin al hoe meer posvat dat dit nie help om “hulle” te blameer vir die agteruitgang van ons dorpie nie. Soos die Bonnievalers, geboorteplek van die Droom, moet ons self inspring om van Jeffreysbaai ’n mooier en veiliger plek te maak – ’n droom om in te woon. Vandaar die entoesiasme waarmee Theuns se boodskap begroet is.

Met die samestelling van die ledelys het ek heelwat terugvoer van die Dromers gekry. Die Dromers is talentvol en baie betrokke in die gemeenskap – ware daders! Dit is ’n voorreg en verrykende ervaring om met julle saam te werk.

Voorspoed met die bewaarheid van u drome!

Ernst

042 296 1494 • 082 787 6892 Dr BB Keet 36, Wavecrest, Jeffreysbaai, 6330

   _________________________________________________________________

Ons is baie opgewonde en wil graag betrokke raak. Dis Ruby hier van Leon se e-pos af en Deon is die Hoofmeneer!

Ons sien uit na wat ons alles moet doen. Ons het al baie planne.

Vriendelike groete uit die “surfers paradise”

BACK TO TOWNS