Utrecht

All the good about South Africans

BACK TO TOWNS

Utrecht is ‘n dorp in Noord-Natal. Dit is ‘n goeie halfweg tussen Johannesburg/Pretoria en die Noordkus. Dit is ook naby Bloedrivier.

Die dorp is omring met berge en is einlik deel van ‘n wildpark. ‘n Dorp in ‘n wildpark. Verlede jaar toe ons van vakansie af terugkom was ek enmy man verskriklik bewus van die verval en agteruitgang van die dorp. Ons hou by Vleesbaai vakansie en die kontras tussen die Kaap en Natal was baie skerp in ons geheeue. Utrecht is eintlik ‘n baie geskiedkundige dorp - is deel van die ou Republiek – grond wat destyds van Dingaan gekoop is. Verder is daar nog baie ou huise en lei-vore sigbaar. Hierdie lei-vore was nog in gebruik toe ek ‘n kind was.

Hier is ook van die grootste verskeidenheid voël soorte te sien en ons is ook baie naby aan Wakkerstroom wat nou so bekend is as ‘n voëlkykersparadys. Hier is ‘n verskeidenheid wildsoorte in die park en saans wei die rooibokke, koedoes, ens tussen die huise in die dorp. Ons bly op ‘n plaas aangrensend aan diedorp.

Dit is ontstellend om te sien hoe verwaarloos die geboue, sypaadjies, parke, enalgemene toestand van hierdie dorp is.

Ekskryf hierdie e-pos aan U, omdat ons almal taamlik oorweldig en negatief voel oor die dorp en of dit enigsins moontlik sal wees om ook hierdie dorp om te keer en ‘n trotse omgewing te maak.

Dankie.  Rika Davel

_________________________________________________________________

Ek en Riana Homann het die eerste aanbieding die 16de Mei 2012, gedoen by ons Country Club. Ons het mense persoonlik, met pamflette, sms’e genooi na die vergadering. Hulle is in kennis gestel dat dit gaan oor die verfraaiing en verbetering van die dorp. Ons het gehoop op 30 belangstellendes en 93 het opgedaag! Alle rasse was daar en die munisipaliteit was ook genooi, maar het nie opgedaag nie. Hulle het egter baie druk van hulle eie mense ontvang oor hulle onbetrokkenheid en dus kon ons ‘n spesiale aanbieding gister die 29ste Junie vir hulle doen. Ons is goed ontvang. Die aanbieding het ons ook na die skole geneem (Bergsigskool 7 Jun, Utrecht Hoërskool - sekondêre grade 13 Jun, en sekondêre grade asook primêre grade die 19 de Jun). Ons het ook ‘n spesiale aanbieding die 5de Jun by “White City” – ‘n kleurlinggemeenskap in die dorp gaan doen. Hulle is ongelooflik entoesiasties. Ons eerste aanbieding het gegaan rondom die besoedeling in die wêreld en dus ook in Utrecht – ons 2 hoofstrate, Van Rooyen en Voorstraat. Daarom het ons dit soveel kere aangebied, sodat die mense weereens BEWUS kan word van hulle omgewing en hoe dit tans lyk. Die 30ste Mei het ons ‘n projek gekies en mense aangewys wat die projek kan lei, bestuur en voltooi.

Die reaksie was ongelooflik. Net die volgende dag het mense begin om die vullis in die strate op te tel. Geboue wat ons gewys het wat verwaarloos is, het gemaak dat ander dadelik hulle eiendom begin opgradeer – bang dat hulle besighede op die volgende skyfievertoning sal verskyn as onversorg. Natuurlik is daar nog steeds mense (die wat dit kan bekostig) wat nog geen samewerking tot op hede gegee het nie, maar ons is baie positief dat dit wel later sal gebeur. Ons het vir eers die laaste vergadering die 20 ste gegee, waarin ons ‘n paar “voor & na” foto’s gewys het.

              
Ons 1ste projek is om ons poskantoor se aansig op te gradeer. Dit is in die middel van ons hoofstraat en baie opsigtelik.

Die projekleier is Me Laetitia Kotze en haar helpers, Mnr Anton Snyman, Mnr Louis du Pisani en Me Ronel Voogdt

Ons wil met tyd graag die 2 hoofstrate “opgradeer” en ook iets vir “white City” daar stel.

Mense het my al gekontak vir ‘n 2de projek en ‘n derde is in die pyplyn.Sodra dit van die grond af is, sal ek jou meer daarvan vertel met foto’s.

Droomgroete. Rika Davel

BACK TO TOWNS