sadogood blog

Ermelo:

Die geweld kring uit; plase en mense word bedreig – wit, bruin en swart. Intimidasie, brandstigting …. Wanneer iemand dood? God moet help. Ek gesels met ‘n plaaslike boer. Ek hoor die “ons” en “hulle” – ek probeer alles in my vermoë om in so kort moontlike tyd te verduidelik: “ons moet ons eie harte ondersoek; ons moet skoonmaak; ons moet regmaak – ons almal; ons kan nie durf vinger wys nie; alles begin by ons; ons moet eerste; nie een kant is 100% reg of verkeerd nie; maak jou kant dus eerste skoon en reg. Hoe opreg is ek? Hoe eerlik is ek? Hoe goeie bestuurder is ek in my eie parlement/regering – my huis; my begroting – mors ek? Voer ek alles perfek uit? Pleeg ek bedrog of korrupsie – selfs op klein skaal (iets soos ‘n “bribe” dalk)? Mors ek ook maar geld? Betaal ek all die BTW soos die wet vereis of kul ek ook maar met die kontant? Verneuk ek my vrou? Ry ek ook te vinnig op paaie? Eet ek ook meer as wat nodig is? Deel ek? Of is alles net myne en my kinders s’n? more info

Oudthoorn & George:

22 Junie tot 2 Julie 2012: Ons plan was nie om so lank te bly nie, maar hoe anders met sekerlik die mees gasvrye mense wat ek persoonlik ken, Johan en Mindie Breunissen! Dit was nog altyd so. Hul ken nie die einde van gee en deel nie. Hul gaan uit hul pad om jou soos die belangrikste gas ooit te laat voel – vir my, Hanlie en ons 4 kinders. Wys my iemand wat maklik 6 mense vir 9 dae verduur in hul huis op hul plaas so 15 km buite Oudtshoorn oppad na Calitzsdorp. Ook is ons eenvoudig “ingeblend” by hul vriendekring. more info

ONS REIS DEUR PORT ELIZABETH: MEI 2012: EK BESOEK MY LAERSKOOL PARK IN NOORDEINDE

Na jare is ek gedurende April en Mei 2012 (amper 2 volle maande) terug in my ouerhuis in die nou ou vervalle deel van Port Elizabeth. Ek het in Leylandsweg 4, Noordeinde gebly sedert 1973, was in Laerskool Park en Hoërskool Cillié, en toe na UPE (nou die Nelson Mandela Metropolitaanse Universiteit) waar ek B.Comm (Regte) gedoen het en my LLB-graad in 1991 voltooi het. In 1992 is ek na Kaapstad om my Sanlam-beurs in Bellville by Sanlam Hoofkantoor terug te werk, en tans is ons in Durbanville waar my prokureurspraktyk is. Ek het Noordeinde ontgroei. My kinders ken nie hierdie verval, swak instandhouding, en armoede nie – ek ook nie. Ons het altyd oor kersfees vir ‘n week of 2 kom kuier, maar nooit tyd gehad om regtig die area te waardeer nie. Vandag op 43, en terwyl ek die voorreg gehad het om byna 2 maande lank weer in Noordeinde te bly, sien ek hoe dit regtig lyk - nie naastenby soos toe ek 9 was nie! more info

Ons arriveer in Upington net om te oornag oppad na plaas van Johan en Madeleine Smit buite Carnarvon. Ons slaan ons Infanta op langs die Oranjerivier by Sakkie se Arkie vir R360,00. Ons wou by die dorp se karavaanpark kamp min wetend dat daar groot party gehou gaan word daardie aand. Toe ons wou in, kyk die bruin sekuriteitsman en bruin vrou by die kantoor mekaar skepties aan en sê vir mekaar (eintlik vir my) die park is vol. Allermins, dis nie vol nie. Ek kry die indruk hulle wil ons net nie daar hê nie – ek hou “straight face” want my vrou en kinders is in die motor. Na die tyd besef ek hulle het my vrou en kinders so gekyk en self besluit ons moenie daar kamp nie. Ons is so beskerm. Sakkie se Arkie (sel 082 5645 447) is perfek en pragtig – ons kon nie vir beter vra nie. more info

Ons ry deur Robertson se strate om darem so ‘n gevoel vir die dorp te kry, en proe later wyn by die Graham Beck landgoed. Ek ontmoet Debbie Weels wat die wynproe baie professioneel en ingelig hanteer. Ek noem aan haar dat sy indrukwekkend is. meer info

Op Ashton besoek ons Route 62 Platform vir middagete. Ons stop doelbewus, want gewoonlik ry ons maar deur na Montagu of Robertson. Ons belewenis is egter baie positief – die kos en geselskap met die bestuurder/eienaar. Die storie oor die lokomotief voor Route 62 Platform het die kinders beïndruk. Sien die foto’s. Hoe stop Ashton se mense die “deurryers”?